شن حمادة عبد اللطيف، نجم الزمالك الأسبق، هجومًا ناريًا على لاعبي الفريق الأول لكرة القدم بالنادي، معبرًا عن غضبه من تراجع الأداء والنتائج خلال الفترة الأخيرة، في ظل استمرار معاناة الفريق في مرحلة التتويج بالدوري.

سقوط الزمالك أمام بيراميدز

وكان الزمالك قد سقط بهدف نظيف أمام بيراميدز بتوقيع الجناح الطائر إبراهيم عادل بعد خطأ فادح من محمد عواد.

حمادة عبد اللطيف: اللاعيبة دي متدلعة على إيه؟! 

وقال حمادة عبد اللطيف في تصريحات تليفزيونية: «شكلنا بقى وحش، مش كل ماتش نبقى في حرقة دم وحرقة أعصاب لو مش عارف قيمة نادي الزمالك امشي».

وانتقد عبد اللطيف بشدة بعض اللاعبين المنضمين مؤخرًا إلى صفوف الفريق: «فيه لعيبة معرفش مين الناس دي، اشتروها إزاي؟ جابوها منين؟ دي مش لعيبة نادي الزمالك خالص».

وطالب بتغييرات جذرية داخل الفريق في الموسم المقبل: «السنة الجاية لازم تطوير، لازم تشتري لعيبة كويسة وتجيب مدير فني على أعلى مستوى».

وأضاف نجم الزمالك الأسبق: «اللعيبة دي متدلعة على إيه؟! هو أنت بتجيبلي بطولات؟ ولا بتؤدي؟ ولا حتى بتكسب؟ بتنزلوا تتمشوا في الملعب كأنكم واخدين بطولتين تلاتة».

واختتم عبد اللطيف تصريحاته بمطالبة الإدارة بإعادة النظر في سياسة الاعتماد على بعض اللاعبين، مؤكدًا: «الوضع من سيئ لأسوأ، ولازم وقفة ما دام كده كده بتخسر، اطلع ناشئين يا عم، يمكن يغيروا شكل الفريق».