مصر عندها خطة أنها تتحول لمركز اقليمي لتبادل الطاقة، والخطة دي مصر كل يوم بتاخذ فيها خطوات جديدة.. بس المرة دي من ورسيا.. والخطوة الجديدة هتغير خريطة صادرات الغاز الطبيعي في العالم كله.

تأمين الطاقة في مصر واحد من اهم الملفات الموجودة علي مكتب الحكومة في الفترة الرئاسية الجديدة، وعلشان الحكومة توصل لهدفها وتامن الطاقة اللازمة لتشغيل المصانع، فتحت الشراكة مع القطاع الخاص واللي دخل السوق المصري وعمل جهود كبيرة في مجالات التنقيب والبحث عن المواد البترولية، ومصر حاليا بتستهدف القضاء علي النقص المحلي في انتاج المواد البترولية خصوصا الغاز الطبيعي واللي الحكومة بتستورده حاليا بعد ما كنها بنصدره وبكميات كبيرة ولكن للاسف مع نقص الانتاج المحلي وزيادة الاستهلاك الدولة بدأت تستورده من الخارج.

الخطة الحكومية اللي مصر تبنتها واللي بتستهدف تحويل مصر لمركز اقليمي للتبادل التجاري بتستهدف زيادة الانتاج المحلي ونقص النقص في اجمالي الاستهلاكات والتحول للتصدير، وده اللي بتسعي الحكومة له حاليا.

" title="هتوفر مليارات الدولارات خطة مصرية روسية لوقف استيراد الغاز الطبيعي" frameborder="0">

الفترة اللي فاتت ومع التسهيلات الكبيرة اللي الحكومة قامت بيها لدخول القطاع الخاص للسوق المصري، في عدد كبير من الشركات اللي شغالة في مصر في مجالات التنقيب والبحث عن آبار البترول أعلنت عن أكثر من كشف بترولي، ومتوقع مع نهاية العام الحالي الحكومة هتعلن بدء تصدير الغاز الطبيعي للخارج.

طيب اية اللي بتعمله مصر علشان تزود انتاجها من الغاز الطبيعي؟.
مصر في الوقت الحالي بتعمل مباحثات متقدمه جدا مع روسيا لبناء محطات للغاز الطبيعي المسال، وده في أطار خطة الدولة لتعزيز أمن مصر من الطاقة، وفي ظل تراجع الإنتاج المحلي من الغاز.

خلال الشهور اللي فاتت وعلشان الحكومة تحقق الأكتفاء الذاتي من الغاز الطبيعي وتنويع مصادر الطاقة وضمان تلبية الاحتياجات المحلية، الحكومة عملت مفاوضات مع عدد كبير من الجهات الدولية لتأجير وحدات تغييز لتسهيل عمليات استيراد الغاز المسال، خصوصا أن الدولة في الفترة  اللي فاتت توسيع في استخدامات الغاز الطبيعي في الاستهلاك المحلي وكمان قطاعات الصناعة، ده غير تشغيل عدد كبير من محطات توليد الكهرباء بالغاز الطبيعي، والتعاون ده هيوفر مليارات الدولارت كانت الدولة بتخصصهم لاستيراد شحنات الغاز من الخارج .