الصين فتحت شهية العالم علي الاستثمار في المنطقة الاقتصادية لقناة السويس، والمرة دي استثمارات هندية هتغرق الاقتصاد المصري.. ياتري ايه حكاية الاستثمارات وآية الفايدة اللي هترجع علي مصر منها.

مصر خلال الشهور اللي فاتت قدمت تحفيزات وتسهيلات كتيرة للمستثمرين وأصحاب رؤوس الأموال للدخول للسوق المصري وبناء المصانع والاستثمارات، والتسهيلات دي خلت عين المستثمرين علي السوق المصري، وفي الفترة اللي فاتت مصر استقبلت استثمارات كتيرة جدا من عدد كبير من دول العالم خصوصا الصين واللي بقت لها استثمارات في أغلب المناطق الصناعية خصوصاً المنطقة الاقتصادية لقناة السويس، واللي بقت بتستحوذ علي نسبة كبيرة من الاستثمارات الصينية خصوصا في مجالات الاستثمار الأخضر وصناعات الإلكترونيات.

الاستثمارات الصينية الكتيرة والمختلفة في السوق المصري فتحت شهية أكثر من دول علي الدخول للسوق المصري أهمهم دول الامارات واللي مستثمريها دخلوا السوق المصري بقوة خلال السنين اللي فاتت وبقت استثماراتهم منتشرة في كل القطاعات .
كيب اية حكاية الاستثمارات الهندية في السوق المصري والحكومة بتستهدف توصل منها لكام ؟.

" title="وحش اسيوي جديدة يعلن مضاعفة استثماراته في مصر البداية بـ 5 مليار دولار" frameborder="0">

التحفيزات والتسهيلات اللي قدمتها الحكومة للمستثمرين وأصحاب رؤوس الأموال خلت السوق المصري بقي سوق جاذب لكل المستثمرين، وده اللي خلي دول زي الصين والإمارات ترمظ استثماراتهم عندنا في مصر، وحاليا الهند قررت عن مضاعفة استثماراتها في مصر  ل3 أضعاف وهتعمل منطقة صناعية في السويس .

القرار الهندي لزيادة الاستثمارات في السوق المصري سببه شركات القطاع الخاص والشركات الحكومية واللي عندهم هدف أنهم يستفادوا من الإمكانات المتاحة للنمو في مصر، خصوصا أن الهند بتصنف من أسرع الاقتصادات نمواً في العالم.

مش كده بس لا ده الهند عندها رغبة أنها ترفع حجم التبادل التجاري مع مصر ل 5 مليار دولار بنهاية عام 2025، وبتخطط في المستقبل لرفعه الي 12 مليار دولار، ده غير أن الحكومة الهندية دخلت في مباحثات مباشرة مع مصر لإنشاء مصنع جديد لمعالجة الفوسفات في منطقة رأس غارب بمحافظة البحر الأحمر، وده بهدف سد احتياجات السوق الهندي من الفوسفات المصنع محلياً في مصر، والمصنع ده هيكون بالشراكة من تحالف بيضم 3 شركات حكومية هندية وشركة خاصة من أكبر الشركات العاملة في مجال الأسمدة والتعدين وبيدرسوا تنفيذ مشروع استثماري ضخم في مصر بإجمالي استثمارات هتوصل ل500 مليون دولار لإنتاج الفوسفات وتحسين جودته، ده غير أنه بيتم بحث خطوات إنشاء مصنع لإنتاج حمض الفوسفوريك أو فوسفات ثنائي الأمونيوم.