أعلنت الفنانة حلا شيحة منذ قليل عن خروجها في لايف جديد الليلة على موقع الفيديوهات الشهير يوتيوب وذلك في تمام الساعة التاسعة مساء، ومن المقرر أن تتحدث فيه عن تركيزها مع القرآن ولماذا بدأت في حبه وغيرها من تلك الأشياء الخاصة بعلاقتها بربنا.
حلا شيحة في فيديو جديد على يوتيوب الليلة
ونشرت حلا شيحة صورة لها عبر حسابها الرسمي بموقع تبادل الصور والفيديوهات انستجرام في منشور رصده موقع تحيا مصر، ظهرت بها بالحجاب وعلقت عليها، قائلة: "امتى ركزت مع القرآن الكريم أول مرة وازاي وليه ابتديت أحبه، النهاردة بالليل الساعة ٩ بتوقيت القاهرة على قناتي على يوتيوب".
وكانت قد تحدثت حلا شيحة في وقت سابق علاقتها مع ربنا، فقالت في أول فيديو لها على موقع يوتيوب: سعيدة أوي أني بتكلم عن ربنا.. وسعيدة أن فيه ناس بعتالي بتقولي احنا بنحب طريقتك.. وأكتر حاجة بحبها وبتشغل بالي وفكري وقلبي حب ربنا سبحانه وتعالى.. وأنا لما بعدت عن ربنا قدرت أرجع لأن الآيات جوايا.. وناس كتير بتعبتلي بتقولي حلا احنا حاسين أنك قوية ازاي قدرتي تتخطي كل دا وترجعي لربنا تاني ودي حاجة مش سهلة.. هو مفيش حاجة سهلة بس ربنا هو اللي جميل وبيهدينا.
حلا شيحة: بقيت مؤمنة إن ربنا مش شايفينه لكن هو موجود
وفي تصريحات أخرى، قالت حلا شيحة: وأنا صغيرة كنت بحب أوي موضوع التفكر، وأصحى بدري وأروح أقعد على البحر بالليل مكنتش بحب أطلع، وكنت أتأمل في السما والبحر، وأقول لنفسي البحر عظيم جدًا، ومن ضمن الحاجات اللي كنت بفكر فيها، إني أبص على البحر وأقول: طب هو ربنا فين؟ إحنا مش شايفينه، طب هو موجود فعلًا؟ وكنت ببص على آخر البحر وأقول فيه حتة كده نظرنا مش بيقدر يجيبها، فكنت بقول خلاص، مش ده آخر المطاف، بس سبحان الله… أنا مش شايفة علشان نظري قاصر، وبقيت مؤمنة إن ربنا مش شايفينه، لكن هو موجود.
حلا شيحة ترتدي الحجاب
يذكر أن حلا شيحة عادت لارتداء الحجاب مرة أخرى في الفترة الماضية، بعد تردد كثير منها حول هذا الأمر، وأعلنت عن ذلك من خلال صورة لها علقت عليها: الحمدلله اجمل كلمة ممكن نقولها في كل الاوقات، طالعة من القلب بتفرق كتير، الحمدلله سلام داخلي محتاجينه في حياتنا كل فترة، كلنا عندنا أيام صعبة واللي تعبان وبيفقد أحبة والفتن كتير فدايما نقول الحمدلله يارب.
بدأ أمر ترددها في بداية مسيرتها الفنية حيث ارتدته بشكل مفاجئ وبعد شهرين فقط قامت بخلعه وظهرت في فيلم عريس من جهة أمنية بدونه، ثم توالت أعمالها الفنية لتعيد الكرة مرة أخرى في عام 2006، وعادت 2018 ثم ارتده مرة أخرى في 2021 بعد زواجها من معز مسعود، وبعدها عادت في ٢٠٢٣ وارتده مرة أخرى هذا العام.
0 تعليق