شنّ الإعلامي عمرو أديب هجومًا لاذعًا على ياسر إبراهيم، مدافع النادي الأهلي، بسبب تصرفه تجاه النجم الأرجنتيني ليونيل ميسي خلال مواجهة الأهلي وإنتر ميامي في بطولة كأس العالم للأندية، معتبرًا ما حدث سلوكًا غير رياضي.

وقال أديب، خلال تصريحاته عبر قناة "MBC مصر"، إنه شعر بانزعاج شديد من تصرف ياسر إبراهيم تجاه ميسي، موضحًا: "أنا اتضايقت جدًا من لاعب النادي الأهلي اللي كان بيتنمر على ميسي، ده مش سلوك رياضي. لو كنت بتتنمر عليه علشان قصير، طيب وانت طويل عملت إيه؟!".

وأضاف: "أنا عملت 3 مقابلات مع ميسي، وده إنسان استثنائي، شيء خارق للعادة. إزاي تشير عليه إنه قصير؟ الطوال عملوا إيه؟".

واختتم عمرو أديب تصريحاته مؤكدًا على ضرورة احترام الأساطير، قائلًا: "اللي عملته عيب، الرياضة أخلاق وسُمو، ميسي ورونالدو مش حاجة بسيطة، دول أرقامهم خيالية، إنت والنادي بتاعك ممكن تقعدوا 100 سنة ومش هتوصلوا لربع اللي عملوه، أهم حاجة الاحترام".