قالت الفنانة كندة علوش، إن مشاركتها في مسلسل إخواتي والذي، تم عرضه خلال موسم رمضان الماضي، من خلال شخصية ناهد، تعتبر مغامرة حقيقية من المخرج محمد شاكر خضير في اختيارها للدور.

وأضافت “كندة” في حوارها لبرنامج “كلمة أخيرة” على فضائية “أون إي” اليوم الثلاثاء: “مش أي مخرج وهو بيقرأ الورق ممكن يختار كندة في الدور ده، لأنه مش شبه الأدوار اللي قدمتها قبل كده أو اتعرضت علي”، موضحًة : “لما المخرج عرض علي شخصية (ناهد).

وتابعت: “المخرج قالي أنا عارف إنك تقدري، وصحيح هو مكنش واثق 100%، لكن اعتبرها مغامرة خضناها سوا، وده خلاني أحس بمسؤولية كبيرة”، موضحًا: “طول الوقت وأنا بشتغل على الدور، كان جوايا صوت داخلي بيقول لي: مش عايزة أخذل المخرج، ولا عايزاه يندم إنه اختارني.”

وأردفت كندة علوش، إلى أن هذا الدور كان تحديًا وضعها فيه المخرج، قائلة: “كنت حابة أثبت لنفسي إني قد التحدي، خاصة إني راجعة بعد فترة غياب عن الشاشة، وكنت حابة تبقى العودة بدور يترك أثر ويحقق صدى كويس.”

واختتمت حديثها، قائلة: “كل التفاصيل دي، بجانب إعجابي الكبير بالسيناريو والعمل مع نجمات كبار، كانت مهمة، لكن الإحساس الأكبر اللي فضل جوايا طول الوقت هو إني مش عايزة أخذل المخرج محمد شاكر خضير.”