قال شريف إكرامي حارس مرمى نادي بيراميدز، بأنه هناك أشخاص يقبلوا الظلم والتدليس عندما يكون في صالحهم وأن القيم الحقيقة تظهر وقت الاختبار، ويستعرض موقع تحيا مصر تصريحات شريف إكرامي.

تصريحات شريف إكرامي

وكتب شريف إكرامي في رسالته عبر إكس، قرار لا يحتاج خبير ليكشف عواره، ولا اللائحة محتاجة متخصص علشان يوضح ثغراتها، والمشهد مكشوف والتجميل ما بقاش ينفع، وارتعاش اللوائح و تفصيل القرارات اصبح جزء أصيل من ثقافة المنظومة و سبب اساسي في تدهورها..

وزاد شريف إكرامي، عشان نقدر نبني منظومة تحترم نفسها و تتطور، ثبات القرار و استقلالية القواعد من أي عوامل خارجيه هو حجر الأساس، ووسط الارتباك ده بيظهر نوع تاني من الخط.

وأكمل شريف إكرامي، بيظهر ناس بتقبل الظلم والتدليس لما يكون في مصلحتها ويتجتهد في اختراع مبررات عشان تمحي بيها شعورها بالذنب، وده للأسف بيكشف التناقض بين قيمهم وأفعالهم بس التبرير عمره ما بيمحي الحقيقة بالعكس ساعات بيعريها أكثر خصوصا لما نكون قدام حالة تدليس واعي ومتعمد، وده أخطر من الكذب، لأنه بيغلف الباطل بقناع المنطق ويوهمك ان الغلط صح.

وأشار شريف إكرامي، وكالعادة، هيتحول الجدل من مناقشة قرار مشوّه لتبادل اتهامات، وتخوين، وتشويه كل صوت مختلف، وكأن المشكلة مش في القرار، لكن في اللي بينتقده.

واختتم شريف إكرامي، عموماً الكورة زيها زي الدنيا قيم الناس الحقيقية بتبان فيها وقت الاختبار، وفي النهاية كامل احترامي لكل من اختار ضميره قبل انتمائه لان الحق ما بقاش بيتقال مش عشان الناس نسيته بس عشان بقوا خايفين يدفعوا تمنه.