حل الفنان حازم ايهاب ضيفا مع الأعلامي  إبراهيم فايق في برنامج فايق ورايق على منصة "يوتيوب". وحكى حازم عن العديد من الأسرار عن حياته الشخصية.

حازم ايهاب يكشف تفاصيل وفاة ابنه

كشف الفنان حازم إيهاب، في حوار مؤثر عن تفاصيل التجربة الصعبة التي مر بها بعد وفاة نجله يونس، بعد 13 يومًا فقط من ولادته، موضحًا أنه رفض إجهاض الجنين رغم وجود فتوى شرعية تبيح ذلك.

"بعد 4 شهور من الجواز، مراتي كانت حامل، ورغم إن ماكنش فيه شغل، قلت الولد بييجي برزقه.. الأمور كانت ماشية كويس لحد الشهر الخامس، ولما روحنا للدكتورة، قالت إن لازم نعمل فحص إيكو للقلب، واكتشفنا إن في غرفة من قلبه مش شغالة".

وأضاف: "فضلت أطمن (منة) مراتي، رغم إن الحقيقة كانت صعبة، وبدأت أستفسر من الأطباء، وكلمت حد من الأزهر اللي قالي إنه يجوز الإجهاض في الحالة دي. لكن لما عرفت إن فيه خطر على حياتها، قررت أكمل الحمل، وقلت يمكن ربنا يكرمنا بمعجزة".

وتابع إيهاب حديثه عن تفاصيل ما بعد الولادة:"يونس اتولد ودخل على طول يعمل عملية بعد 6 ساعات، كانت زوجتي وقتها فاكرة إنه في الحضانة بالمستشفى اللي هي فيها، لكن هو كان راح مستشفى تانية، وأجرى أول عملية بالفعل، وكان فيها أمل، لكن القلب ماكنش قوي كفاية".

وأضاف:"استمر 13 يوم في المستشفى، واحتاج لعملية تانية، لكنها ما نجحتش، والدكتور خرج قالي زي مشهد من فيلم: (إحنا حاولنا لكن جسمه بينهار)".

واختتم حازم إيهاب كلامه بقوله: "أنا كنت صدقت إنه هيعيش، وبدأت أجهز له السرير.. لكن الحمد لله، ربنا اختاره، يمكن ده كان أكرم له ولينا.. وإن شاء الله يكون شفيع لينا في الجنة".

أخر أعمال حازم ايهاب

يذكر أن حازم إيهاب شارك في رمضان 2025 في مسلسل "أشغال شقة جدا"، المسلسل من بطولة هشام ماجد، أسماء جلال، شيرين، سلوى محمد علي، مصطفى غريب، وآخرين ومن تأليف خالد وشيرين دياب، وإخراج خالد دياب.