تنظر اليوم محكمة جنايات شمال القاهرة ، محاكمة المتهم بقتل الشاب “محمود سيد” ،والشروع في قتل والده بسبب خلافات على ركنة سيارة بمنطقة المطرية .

أقوال والدة المجني عليه

“بسبب خلاف علي ركنة عربية” واقعة مأسوية شهدتها منطقة المطرية، باشتراك سائق تاكسي مع شقيقه وقيامهم بإنهاء حياة شاب يُدعي “محمود سيد محمود” يبلغ عمره 22 عامًا، طالبًا بأحد الكليات.

كل الناس كانت بتحب ابني.. تفاصيل إنهاء حياة شاب

وروت الأم المكلومة تفاصيل معرفتها بخبر وفاة نجلها قائلة: ” سواق التاكسي ميعرفش ابني كان  أول مرة يشوفوا، ابني معملش حاجة كان بيركن عربيته والله والمتهم غدر بيه، جاب السكينة علي رقبته وخلص عليه، ابني كل الناس بتحبه لأنه في حاله ومحترم”.

بسبب ركنة.. تفاصيل إنهاء حياة شاب علي يد سائق تاكسي

وتابعت: ” دا كمان طعن جوزي وأصحاب ابني وكلهم في المستشفي حالتهم صعبة،  وصاحبه وكلهم في العناية المركزة، دول جزارين مش بني أدمين ابني 22 سنة حرق قلبي عليه، كان شاب زي الورد، أنا عايزة حق ابني بطالب بالقصاص، قبلها بيوم كنت قاعدة قالي وشك عليه غضب ربنا وحزين ليه يا ماما، أتاريه كان حاسس أنه بيودعني وماشي، فرحه كان قريب لبسنا الأسود عليه بعد ما كنا بنحضر لفساتين فرحه.

معرفة الأم لخبر وفاة نجلها

وأضافت: ” أنا كنت في الشقة لقيت الناس طالعين بيقولولي ابنك سايح في دمه في الشارع، قلتلهم مستحيل، نزلت لقيت مدبحة في الشارع، عريس في الجنة يا قلبي، جنازته كانت زفة، افتكرت لما كنا بنتكلم عشان نحجز قاعة الفرح وكان عايزة يحجز في قاعة كبيرة عشان حبايبه كتير، طوب الأرض كان بيحبه، والد محمود لحد دلوقتي في العناية المركزة حالته خطيرة وهننقله من مستشفي الأقباط لمستشفي تانية”.

واختتمت: “أنا بطالب بالقصاص العادل، عايزة حق ابني من اللي عملوه فيه كدا، واحد اتقبض عليه والتاني هربان”.