كل يوم الدولار سعره بينزل، ونزوله بيكون مكسب كبير للجنية المصري، وسعره يوم عن التاني بيكون اعلي... ياتري اية اللي بيخلي سعر الدولار ينزل يوم عن التاني.. وامتي سعر صرف الجنية المصري يرتفع قدام الدولار.
السياسات الأمريكية الجديدة اللي اقرها الرئيس الأمريكي دونالد ترامب عاملة مشاكل كتيرة في البورصة العالمية، وكانت سبب من اسباب زيادة اسعار عدد كبير من السلع والخدمات حوالين العالم كله، والزيادات دي انعكست علي اسعار الذهب، واللي سعره ارتفع عالميا ووصل سعر الأوقية لأكثر من 3500 دولار لأول مرة في التاريخ.
السياسات الامريكية الجديدة زي ما عملت أزمة في البورصة العالمية برضوا عملت ازمة لسعر صرف الدولار الأمريكي واللي سعره صرفه نزل وبطريقة كبيرة جدا بسبب التصريحات اللي بيكتها أو بيطالب بيها الرئيس الأمريكي دونالد ترامب، واللي كان اخرها التويته اللي كتبها عن نتيه عزل رئيس البنك المركزي الفيدرالي الامريكي، والتويته دي عملت مشاكل كبيرة جدا في سعر صرف الدولار الأمريكي وسعره نزل لأقل مستوي له في آخر 16 سنة.
التصريحات اللي خرجت عن الرئيس الأمريكي كانت السبب في قرارات عدد كبير من المستثمرين الأمريكيين في التخلي عن الدولار الأمريكي واستبداله بالذهب أو عملات تانية أكثر استقرارا، والمستثمرين طالبوا بضمانات من الحكومة الأمريكية علشان يفضلوا محافظين علي استثماراتهم واموالهم لأكبر فترة ممكنة.
وعلشان الإدارة الأمريكية تعالج المشكلة الكبيرة اللي سببتها تصريحات الرئيس الأمريكي دونالد ترامب، فالبيت الأبيض طلع واعلن عن عزمة بقاء رئيس البنك المركزي الفيدرالي الأمريكي في مكانه لحد انتهاء فترة المقررة في 2026 ده بهدف الحفاظ علي سعر صرف واستقرار الدولار لاطول فترة ممكنة، خصوصا بعد القلق الكبير اللي سببته تصريحات ترامب.
طيب هل اسعار الدولار هترجع تنخفض تاني في الفترة اللي جاية؟.
واضح كده أن الحرب الخفية اللي موجودة بين الرئيس الأمريكي دونالد ترامب ورئيس البنك الفيدرالي الأمريكي مش هتنتهي، ودولوقتي ترامب بيطالب بخفض أسعار الفائدة بشكل عاجل خصوصا بعد قرار البنك الأخير بتثبيت اسعار الفايدة، ولكن رئيس البنك الفيدرالي الأمريكي طلع وقال أن كلام ترامب مش هياثر علينا وأننا مكملين خطتها في الحفاظ علي الخطة المالية لاسعار الفايدة.
للاسف علي الرغم من الهبوط الكبير اللي حصل في اسعار صرف الدولار الأمريكي في العالم كله، برضوا الانخفاض ده مسمعش عندها هنا في مصر، وده بسبب الالتزامات المالية الكبيرة اللي موجودة علي الحكومة المصرية واللي هيا الديون وفوايدها واللي بتسددها الحكومة بشكل سنوي.
خبراء الاقتصاد اجمعوا أنه في حاله استمرار سياسات ترامب الأقتصادية زي ما هيا موجودة دولوقتي في الفترة الحالية وسداد مصر لالتزاماتها الدولية واللي بتتمثل في الديون وفوايدها فسعر صرف الدولار هيبدا ينخفض وبشكل كبير مع نهاية السنة الحالية، والانخفاض ده هيكون بداية تحسن سعر صرف الجنية المصري.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق