تابع أحدث الأخبار عبر تطبيق

أعربت الإعلامية سلمى الشماع، عن سعادتها البالغة بتكريمها من الهيئة الوطنية للإعلام، خلال استضافتها ببرنامج "كلمة أخيرة"، مع الإعلامية لميس الحديدي.

قالت سلمى الشماع: “مظاهرة حب كبيرة، الحبايب كلهم كانوا موجودين، كانت فرحة زي فرحة الفرح، كل اللي حواليا مش أغراب، يا إما اشتغلت معاهم، يا إما أنا اللي ربيتهم، كان إحساس رائع، صادق، ومليان شغف، الناس مكانتش بتتكلم لمجرد المجاملة، لكن بكلمات خارجة من القلب، كلها حب وشغف”.

وأضافت سلمى الشماع: “أنا عمري ما حسيت إنّي ابتعدت عن أهل المهنة، دايمًا على تواصل معاهم، دلوقتي حاسة إني بقيت أم لكل الشباب اللي بيشتغلوا في الإعلام، إحساسي بيهم اختلف، أوقات بوجههم بقسوة وبيزعلوا، لكن بعدها باخدهم في حضني”.

سلمى الشماع تروي ذكريات برنامج “زووم”

روت الإعلامية سلمى الشماع، ذكرياتها مع برنامج "زووم"، قائلة: “قدمت برنامج (زووم) منذ عام 1976، وعلى مدار عشرين عامًا، له مكانة خاصة جدًا في قلبي، فهو لم يكن مجرد برنامج، بل كان مشروعًا إعلاميًا حقيقيًا يسلط الضوء على صناعة الفن من الداخل”.

وأضافت سلمى الشماع: “مكنتش بقدم البرنامج علشان أعمل انترفيوهات والسلام، كان هدفي أظهر كل جوانب العمل اللي بيحصل في كواليس التصوير، من عامل الإضاءة، لكاتب السيناريو، للمخرج، لحد الفنانين، المشاهد مش هيقدر يروح البلاتوه، فكان دوري أوصل له كل التفاصيل، حتى صوت الكلاكيت وأمر أكشن”.