وجه محمود عبدالرازق شيكابالا، قائد الزمالك، رسائل نارية، مشيرًا إلى أن الأهلي يتلقى المساعدات من الجميع، على عكس غريمه التقليدي.

وقال شيكابالا في تصريحات عبر بودكاست مع أحمد حسام ميدو، عضو لجنة التخطيط بالزمالك، ردًا على حديث الأخير: «مفيش أهلاوي بيفهم إلا بيحب شيكابالا؟ عارف مشكلتي إيه في القصة دي!، احنا كنادي الزمالك بنقعد نتحارب مع كل الناس».

وأضاف: «ونقعد برضو ناخد بطولة من هنا مع أن احنا معناش حاجة ومعندناش حاجة، بتحارب كأن الزمالك بيروح يلعب في الدوري الإنجليزي، كل الناس دي معاها كل حاجة وأنت جاي باللوجو احنا بنروح باللوجو والجماهير بتاعتنا».

وأكمل: «الناحية التانية كل الناس بتساعدهم وده مش طبيعي، أنتوا عايزين الكورة ولا فريق واحد بس اللي يكسب، لو فريق واحد بس اللي يكسب نقفل النادي خلاص، ونلعب خماسي ونتبسط».

وتابع: «اللي بيحصل ده مش طبيعي، ف لازم الناس تساعدنا شوية في الدولة لأن الزمالك بيستحق يكون في مكانة أفضل من كدة، والدوري يكون كويس لما الأهلي يبقى جامد وبيراميدز والزمالك».

وقال شيكابالا  أيضا خلال الحلقة: «محدش يفكر حتى 1% إننا بنعشق الزمالك… لما رجعت من اليونان الأهلي كان بيكلمني كل يوم، والزمالك قافلين موبايلاتهم ومحدش راضي يقابلني، رحتلهم خمس مرات».

وأضاف: «في مرة كنت خلاص في الأهلي، قاعد مع عدلي القيعي، وقلت له: تخيل الزمالك جاب جول وأنا احتفلت؟ أنا كده هبطل كورة. قالي: متقلقش، هتحب الأهلي… لكن قلبي مكانش هناك».

نقطة التحول جاءت بعد اتصال من ممدوح عباس، حيث قال شيكابالا: «كلمني وقاللي: عايز تعمل إيه؟ قولتله: أنا عايز ألعب للزمالك.. وبعدها اعتذرت للأهلي ورجعت بيتي».

واختتم تصريحاته بجملة مؤثرة: «وقتها الأهلي مكنش يقدر يطلع العقد… النهاية؟ مش دايمًا الفلوس بتكسب، أوقات الانتماء هو اللي بيكسب».