حل الإعلامي شريف مدكور ضيف على بودكاست الرحلة، والذي تحدث خلاله بالعديد من التصريحات المثيرة للجدل من بينهم فكرته في تقديم برنامج ديني بدون أجر، فضلا عن عدم مسامحته لمنتقديه.
شريف مدكور: نفسي أعمل برنامج ديني
وقال شريف مدكور في تصريحات رصدها موقع تحيا مصر: حلمي أعمل برنامج ديني، ممكن الناس تتخض وبقالي 4 أو 5 سنين بذاكر في الدين مع نفسي، وأنا شيخ نفسي ومع كامل احترامي لكل رجال الدين في كل الديانات وكل الشيوخ على راسي من فوق.
وتابع شريف مدكور حديثه: انا سمعت وقرأت للكل، وفي قلب استفتيت فيه وعقل فكرت بيه وربنا قالي إقرأ، وقرأت في كل حاجة، وأنا قرأت ديني اللي بحبه أوي، وقرآني اللي بعتز بيه أوي، ورسولي اللي أنا لو في حاجة بعملها بقول لو أنا قاعد أمام الرسول هيقولي إيه؟، وبستشيره أنا واصل للدرجة دي.
شريف مدكور: لو عملت برنامج ديني مش هاخد أجر وعرفت حب ربنا بعد إصابتي بالسرطان
وأكد شريف مدكور: لو عملت برنامج ديني مش هاخد فيه أجر ومش هقول ليه علشان مزعلش حد، ولما كان عندي فقرة ثابتة مع عالم من علماء الأزهر مكنتش باخد أجر فيهم.
وفي تصريح صادم، قال شريف مدكور: مبروحش أصلي في المسجد لأنه دوشة ومبعرفش أصلي، وقبل الصلاة بهيأ نفسي وبعمل خشوع مش هقول يوجا، وبقفل تليفوني وبنام على الأرض وبهيأ نفسي أني هقف لـ ربنا وببقى لابسة ملابس فضفاضة وببدأ صلاة في مكان معين في بيتي.
وتطرق مدكور بالحديث عن إصابته بسرطان القولون، قائلا: كنت في عمرة وقلت يا رب عرفني أنك بتحبني، وبعدها عرفت أني عندي سرطان قولون، والناس كانت بتقف طوابير في رمضان علشان يطمنوا عليا، وفي ستات كانت بتجيلي من الأرياف ومعاهم حلل محشي، وأطفال راسميني سوبر مان وماسك فانوس، محدش شاف اللي أنا شفته واكتشفت حب الناس.
شريف مدكور يتحدث عن منتقديه
وتحدث شريف مدكور عن منتقديه، قائلا: جزء كبير من اللي بيشتموا وبيتنمروا ليهم أسلوب معين فكنت عايز أوري الناس، وأبقى تافه لو اتضايقت من التنمر، لما تعبت وحللوا السرطان لقوا أنه مش وراثي وأنه حصل بسبب التوتر والزعل، واللي كان بيعتذرلي وقت مرضي كنت بقوله أسفك مش مقبول ده أنا مستني أموت والقيامة تقوم علشان نقف قدام بعض، لأنه مالوش الحق أنه يتكلم عني وعن عرضي، خليك في صفحتك وأنا في صفحتي.
0 تعليق