أسعار الذهب رجعت تنخفض وبشكل كبير من تاني.. ياتري امتي اسعار الذهب هتسقر في مصر.. وهل الأسعار مرشحة للزيادة ولا الانخفاض في الفترة اللي جاية.

الشهور اللي فاتت اسعار الذهب كانت واحد من اهم الحاجات اللي بتشغل بال ناس كتيرة جدا خصوصا انها زادت بشكل كبير جدا وسعر الجرام عيار 21 واللي هو الاكثر مبيعا في الأسواق عدي 5 الاف جنيه، وده رقم كبير جدا وعمره الذهب ما وصله علي مدار تاريخيه.

الزيادات الكبيرة اللي حصلت في الأسعار، واللي بعدها جه انخفاض بشكل كبير بروضوا في الأسعار خلت كل الناس بتسال عن مصير اسعار الذهب في مصر، وهل الاسعار مرشحة للزيادة ولا الاسعار هترجع تنخفض في مصر من جديد واية اللي بيتحكم في اسعار الذهب في مصر.

" title="هتنحفض تاني..اسعار الدهب رايحة علي فين بعد عيد الأضحي" frameborder="0">

علشان نفهم القصة لازم نعرف أن زيادة أو انخفاض اسعار الذهب في مصر غالبا بيتكون بسبب تاثرها بالسعر العالمي، يعني لو الاسعار زادت هتزيد أو انخفضت الاسعار برضوا عندنا بتنخفض، وده اللي حصل اليومين اللي فاتوا لماا الاسعار زادت قوي فالسعر المحلي ارتفع عندنا في مصر ولما السعر العالمي انخفض فالاسعار عندنا انخفضت في مصر.

الرسوم الجمركية اللي فرضها الرئيس الامريكي دونالد ترامب قبل ما يتراجع عنها كانت هيا السبب الرئيسي في الاسعار الجنونية اللي وصلت لها السعر العالمي للذهب واللي وصلت بسبب سعر الأوقية لأكثر من 3500 دولار وده اعلي رقم وصلت له اسعار الذهب في التاريخ، ولما الإدارة الامريكية تراجعت عن قراراها اسعار الذهب رجعت تنخفض تاني في مصر وحاليا الاسعار شبه مستقرة، ومعدل الزيادة والانخفاض فيها في حدود المعقول.

هل الاسعار مرشحة للزيادة ولا الانخفاض عندنا في مصر؟.
الاسعار في مصر في الوقت الحالي مستقرة ومعدل الزيادة أو الانخفاض بتكون في حدود المسموح بيه وبتلعب في حدود 50 جنيه بين الزيادة والانخفاض، وفي الفترة اللي جاية هتفضل مستقرة اكثر خصوصا في ظل التنبؤات العالمية لعودة استقرا التوترات الجيوسياسية بعد قرب حل الأزمة الاوكرانية والكلام المنتشر في وسائل الإعلام عن قرب التوصل لاتفاق لوقف الأزمة الإنسانية اللي وجود في منطقة الشرق الأوسط، والهدوء ده هيدي اريحيته وانخفاض للاسعار بشكل كبير في الفترة اللي جاية.