يا ترى إزاي المشروعات الصغيرة بتدعم الاقتصاد وخاصة عندنا في مصر، هل ممكن فعلا تحرك اقتصاد بلد كاملة، وإيه مدى ونسب الاستفادة منها، والمشروعات دي عبارة عن إيه؟
في الحقيقة، الحكومة المصرية بتدي أهمية كبيرة للمشروعات الصغيرة والمتوسطة دلوقتي، لأنها بتعبتر من أهم مفاتيح التنمية الاقتصادية والاجتماعية، لأنها بتساهم في تقليل معدل البطالة والركود الاقتصادي وبتدعم النمو والتنمية.
عشان كده، المشروعات دي بتعتبر العمود الفقري للاقتصاد، مش بس عندنا في مصر، لا في العالم كله وخاصة قي الدول المتقدمة زي ألمانيا واليابان، يعني ببساطة، كل مشروع صغير بيتفتح، سواء ورشة أو مطعم أو شركة أو حتى تطبيق على الموبايل، بيقدر يوفر شغل، وكمان بيزود الإنتاج وبينعش السوق.
وعندنا في مصر، قي حوالي 75% من فرص العمل في القطاع الخاص جاية من المشروعات الصغيرة ومتوسطة الصغر، يعن بدل ما تقعد مستني وظيفة، ممكن تبدأ حاجة صغيرة، وتكبر نفسك وتبقى صاحب بيزنس.
وطبعا المشروعات ذي مهمة جدا وفي نفس الوقت سهلة التنفيذ، لأنها بتحتاج رأس مال قليل، بس بتخلق شغل كتير، وكمان بتنتشر في كل حتة وتحديدا في الشوارع، وبردو بتستوعب كل الناس سواء معاهم شهادات أو لأ، وفوق كل ده بيزنس منعش يعني بدل ما نبيع خام، نقدر نصنع ونكسب أكتر وكمان نصدر.
وطبعا، علشان الكلام ده يحصل، لازم ن دعم وتشريعات ومبادرات تمويل، عشان كده لازم الحكومة تطلق مبادرات تمويلية وتدريب للشباب وكمان دعم لوجستي وتكنولوجي، لأن دي الحاجات اللي بتكسر ظهر أي مشروع صغير لو مافيش دعم.
عشان كدع، مصر بدأت تتحرك في الاتجاه ده، وبتصدر من 20% ل 50% من إنتاج المشروعات الصغيرة، خاصة وإم المشروعات ذي بتساهم ب 70% من الناتج القومي للدول النامية والمتقدمة، يعني بقت رقم مهم جدا في المعادلة الاقتصادية، وسلاح أساسي في معركة التنمية المستدامة.
وكل ده بقى محل اهتمام الحكومة المصرية دلوقتي، عشان تقدر تعول على المشروعات الصغيرة ومتوسطة الصغر في تحقيق انتعاشة حقيقة وقوية للاقتصاد المصري وخاصة دعم وتعزيز صادراتنا للخارج.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق