مصر هتكون علي معياد ليوم تاريخي جديد في تصاريخ مصر الاقتصادي يوم 22 مايو .. ياتري اية اللي هيحصل في مصر يوم 22 مايو... وهل اسعار الذهب هترجع ترتفع تاني في مصر.

الايام اللي بتعقد فيها لجنة السياسات النقدية بالبنك المركزي بتكون ايام فارقة في حياة المصريين وفي تاريخ الاقتصاد المصري بشكل عام خصوصا أنه اجتماع اللجنة بتصدر عنها قرارات اقتصادية بتكون مهمة لكل الشعب المصري سواء كانوا من المواطنين العاديين أو حتي الناس المهتمة بالاستثمار والأوعية الأدخارية.

الأهمية الكبيرة ليوم 22 مايو كيوم من الأيام اللي هيسجلها التاريخ المصري، أنه هيشهد انعقاد اجتماع لجنة السياسات النقدية بالبنك المركزي، واللي هتناقش اسعار الفايدة في مصر في الفترات اللي جاية، وطبعا الاجتماع ده لازم يصدر عنه قرار والقرار ده بيكون فارق في تاريخ مصر الاقتصادي خصوصا أن اسعار الفايدة من الحاجات اللي بتحدد الزيادات أو الانخفاص الجديد في كل الاسعار في مصر.

طيب اية علاقة اسعار الذهب في مصر بسعر الفايدة؟.

تحديد سعر الفايدة في مصر واحدة من الحاجات المؤثرة جدا في كل الاسعار في مصر خصوصا أسعار الذهب واللي قبل كل اجتماع جديد للجنة السياسات النقدية بالبنك المركزي بيشهد موجه شديدة من الأرتفاع خصوصا بعد القرار الأخيرة بخفض اسعار الفائدة في مصر بنسبة 225 نقطة اساس.

القرار الاخيرة للجنة السياسات النقدية بالبنك المركزي بخفض اسعار الفايدة خلي في اقبال كبير جدا من الناس علي شراء الذهب خصوصا أن كل التوقعات بتأكد أن البنك المركزي مكمل في خطة خفض الفايدة في مصر، وبالتالي في ناس كتير من الشعب المصري حول استثماراته من الشهادات والاستثمار في البنوك إلي الذهب، وفي الفترة اللي فاتت كان الاقبال علي شراء السبائك والمشغولات الذهبية كبير جدا، وده كان سبب اساسي من اسباب الزيادات الكبيرة اللي حققتها اسعار الذهب في مصر لما وصلت للسعر التاريخي واللي فيها سعر الجرام عيار  21 لما تخطي حاجز الـ5000 جنية، وده اعلي سعر لجرام الذهب في التاريخ، وبالتالي متوقع أن اسعار الذهب خلال الأيام اللي جاية تشهد زيادة تدريجية محدودة مع قرب الانعقاد الجديد للجنة، والقرارات اللي هتخرج من اللجنة هيا اللي هتحدد اذا كانت الزيادات في الاسعار هتستمر ولا هترجع تنخفض تاني.