قرارات البنك المركزي بتكون لها علاقة مباشرة بكل الاسعار في مصر، وأول الاسعار دي هيا اسعار الذهب.. ياتري اسعار الذهب هتروح فين الفترة اللي جاية.. وهل اسعار الذهب مرشحة للزيادة ولا الانخفاض.
القرارات الأقتصادية اللي اخذتها الأدارة الأمريكية خلال الفترة اللي فاتت كان لها تاثير مباشر علي اسعار السلع والخدمات اللي بتقدمها الحكومات للشعوب، والقرارات دي كان لها تاثير مباشر علي اسعار الذهب في العالم، وبسببها اسعار الذهب العالمية وصلت لأرقام قياسية لأول مرة لما وصلت سعر الاوقية لـ3500 دولار، وده اعلي رقم وصلت له اسعار الذهب علي مر التاريخ، ولما الإدارة الأمريكية قررت تاني ترجع في قراراتها وجمدت الرسوم الجمركية اسعار الذهب رجعت من تاني لاسعار الطبيعية وكانت الزيادات والانخفاض بتكون في ارقام معقولة.
تراجع الادارة الأمريكية في قراراتها الاقتصادية بتجميد الرسوم الجمركية عمل هدوء نسبي في البورصة العالمية، وعملت هدوء اكبر في السعر العالمي للذهب، وده انعكس علي الاسعار المحلية للذهب، واللي سجلت استقرار كبير في كل دول العالم، خصوصا أن الزيادة العالمية في اسعار الذهب بيصاحبها زيادة محلية كبيرة في الاسعار، ولما الاسعار تترجع عالميا بيكون معاها تراجع محلي للاسعار.
طيب اية اسعار الذهب مرشحة علي فين الفترة اللي جاية هل هتزيد تاني ولا هترجع تنخفض؟.
من كام ساعة البنك المركزي اخذت قرار جديد بخفض سعري عائد الإيداع والإقراض لليلة واحدة وسعر العملية الرئيسية للبنك المركزي بواقع 100 نقطة أساس إلى 24.00% و25.00% و24.50%، على الترتيب، في خطوة تهدف إلى دعم استقرار الاقتصاد المحلى وتحفيز النمو.
المتعارف عليه في كل الدول أن قرارات لجنة السياسات النقدية بيكون لها تاثير مباشر علي الأسعار واول الاسعار اللي بتتاثر بقرارات البنوك المركزية هيا اسعار الذهب، واللي قبل ما لجنة السياسات النقدية بالبنك المركزي تعقد اجتماعها الأخير بدأت ترتفع من جديد، وسجلت الارتفاعات في السعر المحلي للمعدن الاصفر لأكثر من 150 جنية، وارتفعت اسعار الذهب عيار 21 واللي هو الاكثر مبيعا وانتشار من 4550 جنيها إلي 4710 جنيها، ولسه الاسعار مرشحة للزيادة الفترة اللي جاية من تاني.
الزيادات المتوقعة في اسعار الذهب سببها الاقبال الكبير المتوقع من العملاء لشراء الذهب في مصر خصوصا أن في ناس كتير بدأت توجه استثماراتها من شهادات الأدخار الي الذهب، ده لأكثر من سبب اولهم ان الذهب بيعد من اكثر الأوعية الأدخارية أمامنا علي المدي الطويل، تاني حاجة بسبب الخفض المتتالي لاسعار الفايدة في مصر واللي بيكون معاه خفض لاسعار الفايدة علي شهادات الأدخار، ثالث حاجة أن الذهب سهل في بيعه، وممكن للعملاء ينزولوا يبيعوا الذهب في اي وقت ويستفادوا بفلوسه في استثمارات تانية، وده غير أن خطورة الذهب اقل بكتير من اي مجالات تانية منتشرة في اسواق الاستثمارات.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق