الحكومة حاليا مقدمة طرح مهم جدا للمواطنين اللي عايزين شقق سكنية، ياتري اية تفاصيل وشروط الطرح ده.. ومين اللي لهم الأولية في الطرح الجديد.. واية هيا الخطوات اللي من خلال المواطن يضمن الحصول علي شقة سكنية.

الأعلان اللي طرحته الحكومة من مبادرة سكن لكل المصريين 5 فتح نفس الحكومة علي تقديم خيارات جديدة للمواطنين للحصول علي شقة سكنية ضمن مبادرة رئيس الجمهورية لتوفير الشقق السكنية للمستحقين في مبادرة سكن لكل المصريين، وحاليا الدولة فتحت باب الحجز في طرح جديد وهو سكن لكل المصريين 7.

الحكومة فتحت باب الحجز في الطرح الجديد لشقق سكن لكل المصريين 7 يوم 21 من شهر مايو الحالي وده مخصص لفئة متوسطي الدخل، وهيكون التقديم متاح قدام المواطنين لحد يوم 4 يونيو 2025، والتقديم بيكون الكتروني، وصندوق الإسكان الاجتماعي ودعم التمويل العقاري، أتاح للمواطنين التقديم بسهولة ويسر دون الحاجة إلى الذهاب للمقار الحكومية، والمواطن بيسدد مقدم جدية الحجز من خلال مكاتب البريد المميكنة المنتشرة في المدن والمحافظات اللي تم طرح الوحدات بها وبينزل كراسة الشروط من علي موقع صندوق الاسكان الاجتماعي، وبيرفع المستندات المطلوبة وايصالات جدية الحجز واللي بتوصل لـ100 الف جنيه في ملف بي دي إف علي موقع الصندوق والتخصيص المرة دي هيكون باسبقية الحجز.

الحكومة حددت أولويات الفوز بالشقق السكنية في الطرح الجديد لشقق سكن لكل المصريين 7 للعملاء اللي سبق لهم التقديم في الإعلانات السابقة الخاصة بوحدات متوسطي الدخل، واللي مقدروش يسددوا الدفعات ربع السنوية وده بشرط توافق حالتهم مع شروط الإعلان الحالي.

أما بقي الناس اللي بتسال علي الأوراق المطلوبة لحجز شقق لكل المصريين 7 فالحكومة حددتها وهيا صورة من بطاقة الرقم القومي للمتقدم وزوجه بشرط أن تكون سارية وشهادة معتمدة بإجمالي صافي الدخل الشهري أو السنوي للفرد أو الأسرة، مختومة وموقعة من جهة العمل، وتكون مؤرخة بتاريخ الإعلان، وقيد عائلي مميكن وشهادات ميلاد للأطفال في حال لو المتقدم عنده أطفال، وايصال سداد جدية الحجز ةواللي بتوصل قيمتها لـ100 ألف جنية وايصال سداد رسوم كراسة الشروط وهيا 350 جينة ودي لا ترد، وايصال سداد الرسوم الالكترونية ودي بتوصل قيمتها لـ500 جنية ودي كمان لا ترد.