الذهب واحد من اهم الأوعية الأدخارية اللي عليها اقبال كبير جدا من الناس دونا عن كل الأوعية التانية.. ياتري اية سر الاهتمام الكبير من الناس للاستثمار في الذهب.. وأسعار الذهب رايحة علي فين الفترة اللي جاية.
الظروف الاقتصادية الصعبة اللي بيمر بيها العالم واللي فرضت تحديات علي شعوب الدول خلت الناس تدور علي وسائل ادخارية تحقق ربح جنب شغلهم، خصوصا أن الوقت الي جاي الأمور مش مضمونة هتمشي ازاي ده غير أن مصاريف المعيشة بتغلي بشكل كبير نتيجة الزيادات الكبيرة في اسعار صرف العملات الأجنبية مقابل العملات المحلية.
التغيرات الاقتصادية المتتالية اللي بيمر بيها الاقتصاد العالمي خلت الناس تدور علي الوسائل الأدخارية اللي بتحقق هامش ربح، وعندنا في مصر في 3 وسائل ادخارية اغلب المصريين بيستثمروا فيها فلوسهم أول الوسائل دي هو الذهب واللي بيعد واحد من افضل الوسائل الأدخارية واللي بيحظي باقبال كبير جدا من الاشخاص والمستثمرين واصحاب رؤوس الأموال خصوصا ان بيعد سلعة غير قابلة للتلف ده غير أن سعر علي طول في الزيادة وحتي لو حصل تراجع في الاسعار فالتراجع ده غالبا بيكون لوقت معين والأسعار بعد فترة بترجع تترتفع تاني، ده أن سهل في الاستثمار فيه وممكن اي مواطن يبدأ الاستثمار في الذهب حتي لو بجرام واحد يعني باقل من 5000 جنية العميل يقدر يبدأ حلم الاستثمار في الذهب.
الذهب كمان عنده ميزة العملاء مش هيلاقوها في الأوعية الأدخارية التانية وهو أنه سهل في بيعه والعميل يقدر في اي وقت ينزل بالذهب يبعه ويستفاد بفلوسه لو محتاجها في اي مشروع أو حاجة ،وده ميزة مش موجودة في باقي الأوعية الأدخارية التانية زي العقارات واللي بتحتاج وقت طويل جدا لبيعها والوصول للسعر المطلوب خصوصا أن سوء العقارات في مصر بيعاني من فقاعة عقارية كبيرة بتهدد الاستثمار فيه واللي ببسبها بقي فيه ركود شديد في حركة البيع والشراء في السوق.
لازم نكون عارفين أن قرارات البنك المركزي الأخيرة بخفض اسعار الفايدة خلت الأقبال علي الذهب يزيد جدا خصوصا أن حقق مكاسب كبيرة في الشهور اللي فاتت قبل ما يرجع ينخفض تاني .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق